الدورى رايح فين؟؟

بكره الاسبوع قبل الاخير فى الدورى المصرى للموسم الحالى وطبعا كل اللى متابع عارف ان الدورى السنه دى لاول مره من فتره طويله محدش عارف مين هياخد الدورى خصوصا ان الاهلى والاسماعيلى متساويين فى النقط وكل فريق منهم فاضله ماتشين الاهلى هيلعب مع حرس الحدود فى اسكندريه وده ماتش صعب جدا لان الحرس هيحاول سكسب عشان يحسن موقفه فى الجدول ويختم الدورى فى المركز التالت وبعدين هيلاعب الجيش فى الاسبوع الاخير وده ماتش صعب برضو لان الجيش خايف ينزل وعاوز يكسب
كمان الاسماعيلى عنده ماتش صعب جدا مع المصريه للاتصالات اللى معندهاش بديل غير انها تكسب عشان تقعد فى الدورى غير كده هتنزل للدرجه التانيه وبعديه ماتش مع الترسانه سهل لان الترسانه ضمنت الهبوط ومش فارق معاها تكسب او تخسر

عموما عاوزين توقعات بقى تتوقع الاهلى يكسب والاسماعيلى يخسر ولا العكس ولا الاتنين يكسبوا او يخسروا وفى الحاله دى يبقى فى ماتش فاصل يحدد مين بطل الدورى ؟؟؟؟؟؟؟؟؟؟وتتوقع فى النهايه مين اللى هيحسم الموضوع وياخد الدورى السنه دى؟؟؟؟؟

انا عن نفسى هحط اول توقع يا جماعه بصفتى اهلاوى متعصب طبعا انا بتوقع ان الاهلى يكسب والاسماعيلى يتعادل والاهلى ياخد الدورى ان شاء الله

انا متوقع ان الاتنين يتعادلوا ويلعبوا ماتش فاصل ويتعادلوا ويلعبوا اكسترا تايم ويتعادلوا ويلعبوا ضربات جزاء
وكالعاده الاهلى ياخد الدورى علشان حظه هيبقى حلو ساعتها

الاهلى طبعا يا باشا هو اينعم جوزيه ماشى بس الاهلى اهلى والكبير كبير

mido_lovestory كتب:

انا متوقع ان الاتنين يتعادلوا ويلعبوا ماتش فاصل ويتعادلوا ويلعبوا اكسترا تايم ويتعادلوا ويلعبوا ضربات جزاء
وكالعاده الاهلى ياخد الدورى علشان حظه هيبقى حلو ساعتها

'


مش مهم يا عم ميدو حتى لو لعبنا خمسين ماتش بس الدورى فى الاخر يبقى للاهلى طبعا

hatem. كتب:

الاهلى طبعا يا باشا هو اينعم جوزيه ماشى بس الاهلى اهلى والكبير كبير

اه والله انا زعلان ان جوزيه ماشى انا بحبه بصراحه بس ان شاء الله ياخد الدورى عشان تبقى اخر بطوله ويختمها كويس

الاهلى كسب حرس الحدود واحد صفر بهدف فلافيووووو

الاسماعيلى كسب المصريه للاتصالات بهدف محمد محسن ابو جرشه

ويبقى الصراع مستمر فى انتظار الجوله الاخيره من الدورى ربنا يسترررر

امبارح كانت الجوله الاخيره فى الدورى الاسماعيلى كسب الترسانه تلاته صفر بسهووووووووله تامه

اما الاهلى لعب مع الجيش والدورى كان خلاص هيضيع بعد التعادل واحد واحد وبعد ما الاهلى كان متأخر بهدف لكن احمد فتحى النجم فى الدقيقه 92 جاب جون عاااااااااااااااااالمى وبعد كده محمد طلعت فى الدقيقه 95 ليفوز الاهلى تلاته واحد بصعوووووووووبه بالغه وينتظر المباراه الفاصله يوم الاحد القادم ويا ترى الدورى هيروح على الجزيره ولا ع الاسماعيليه ؟؟؟ ربنا يستر وييجى الجزيره

مبروووووووووك للأهـــلــــــى[b]

بس انسو انه يفضل في بيته اكيد السناتي الدوري زملكاووووووووووووووووي
باذن الله

هههههههههههههههه انتو بتحلمو الدوري لينااااااااااااااااااااااااااااا