محتاجه حاجات كتير

السلام عليكم
يارب يكون الجميع بخير
انا ساره طالبه فى اولى علوم بيولوجى فى حاجات كتير اوى قلقانه منها فى الكليه ونظام الكليه عموما
وفى مواد انا مش بفهمها من الدكاتره زى ماده الكيمياء الفيزيائيه وماده الحيوان(اجنه) مش بعرف اكتب حاجه فى المحاضره والكتب لسه منزلتش فمش عارفه اذاكر او اجمع فيها وحسه انى غبيه جدا
هل الغباء ده طبيعى ولا غباء منى شخصيا؟؟؟؟؟؟؟؟؟؟
وبجد محتاجه حد يكون فى سنه تانيه اخد منه ورق ومذكرات السنه اللى فاتت عشان اذاكر فيها او اى حد يحاول يساعدنى
انا اسفه جدا انى طولت عليكم بس بجد انا نفسى حد يساعدنى
ميرسيه ليكم اوى
ونفسى حد يرد عليه

ازيك يا سارة على فكرة انا معاكى فى اولى بيولوجى وبعانى زيك من نفس المشكلة ومن نفس المواد بس انا بحاول ألاقى حاجة زيك ويا ربنا يوفقنا

ياريت يا دودو نعرف نوصل لبعض يبقى احسن وندور مع بعض
وانا لوعرفت الاقى حاجه اكيد هقولك

السلام عليكم عايزه حجات ايه قولي يمكن اعرف اساعدك

ازيك ياسارة سورى انى برد عليكى متأخر شوية أصلى مش بفتح كتير
ان شاء الله نوصل لبعض

ميرسيه اوى
انا كنت عايزه ورق اذاكر منه فى الكيمياء لان الكتب ملخبطه
وورق الطبيعه(خواص ماده)
وعايزه اعرف اكتر عن الدكاتره واسلوب الامتحانات واسلوب امتحانات العملى والامتحانات العاديه بجد انا متلخبطه

بصى ياسارة
متعتمديش على الورق بس لازم يبقى معاكى محاضرات السنة بتاعتك
لان الدكتور ساعات بيغير فى المنهج
ولو لقيت ورق لازم تقرنيه بالمحاضرات لان ممكن يكون متغير او ناقص او طريقة الشرح مش زى الدكتور قال فى المحاضرة
لو مش بتكتبى محاضرات كويس حاولى تصوريها من اى حد وتكون معاكى بجانب الورق
اهم حاجة انك لازم تلتزمى باسلوب الدكتور
وكل دكتور ليه اسلوبه
وذاكرى كيمياء كويس
وربنا معاكى
ابقى قولى اسماء الدكاترة الى بيدرسولك عشان نقدر نفيدك اكتر

انا كاتبة محاضرات الطبيعة والكيمياء لو عايزاها يا سارة انا ممكن اجيبهالك

دودو انت لو كاتبه كيمياء فيزيائيه انا عيزاها ضرورى
وانت لو محتاجه اى محاضرات او ورق قوليلى بس وانا هعرف اوصلك

بصى يا سارة الكيميا الفيزيائية دى الوحيدة هى والاجنة اللى مش معايا محاضرتهم بس تقريبا الكتاب يتفهم منه .كان نفسى أفيدك......
عملتى ايه فى الامتحانات؟؟؟

تمام الحمد لله كانت كويسه
بس مش عارفه حسه انى لخبطت جامد فى امتحان _الكيمياء العامه) بس الحمد لله ان شاء الله ربنا يستر